Yettawi-aγ uḍar γer tikli n widen yezwaren, nettağğew-ed si tmusni-nsen adif i yiγes yesbedden tudert i t-tutlayt, tina ur yettagaden ifeṭṭiwjen n umezrun, tinna ur nettak irebbi iwiden yeqqimen di tmuγli γer defir. Nettawi-id seg-sen azar, winna yeẓḍan ibidi i-tnaṣlit yeguni wamus n widen yebγan tibrekt γef udem n llufan.
D acu xedmen waman yeṣfan m id yettagem seg-sen yiṭij i tebḥirt usigna yečḥen γef talwit, talwit yesrendimen γef lqaεa yerjan imeṭṭ-is ? D acut nnif a yiles keč yesbeden leqder i amdan ? D acut wadif a yiγes teseḥfa tikli deg bardan ?
Yettewet wargaz s yiles n wina yettsumun adif i yiγes. Kfan wid ihedṛen tidett, gran-d widen d-yettagmen si lεinsaṛ yeqquṛen.
Muḥand m-Musa Awagenun is yenna-n :
» A Rebbi rraγ-d tiγaltin
Sut ssbib yeddal tuyat
Yisent I gecbaḥ lekmin
Ttxelifent di lweḍyat
Asm’ara γibent at tismin
Aγ katen widen nekkat »